سياسة الخصوصية
آخر تحديث: 6 نوفمبر 2026
نجمع أقل قدر ممكن. هذي الصفحة توضح وش نجمعه، وليش، وكم نحتفظ فيه، وحقوقك.
1. من نحن
قرّب مقدّم خدمة «قرّب». نلتزم بنظام حماية البيانات الشخصية في المملكة العربية السعودية. بالنسبة لبيانات أصحاب المحلات نحن جهة التحكم، وبالنسبة لبيانات عملاء المحل نعالجها نيابة عن المحل.
2. إذا كنت عميل محل
لما تمسح كود طلبك، هذا كل اللي نتعامل معه:
- رقم الطلب وحالته وأوقاته.
- معرّف تنبيه جوالك، عشان نوصل لك تنبيه طلبك.
- اسمك فقط إذا كتبه الكاشير.
- تقييمك وملاحظتك إذا اخترت ترسلها، وتوصل للمحل.
ما نطلب رقم جوالك، ولا إيميلك، ولا موقعك، وما تحتاج تسوي حساب. نوع جوالك يبان لنا من طريقة التنبيه فقط.
3. إذا كنت صاحب محل
- الإيميل وكلمة المرور (محفوظة مشفّرة، وما نقدر نقرأها).
- اسم المحل والفروع ورقم التواصل ورابط تقييمك في قوقل.
- سجل الباقات والمدفوعات اللي نسجلها يدوياً.
- مفاتيح الربط، ونحفظ منها بصمة مشفّرة فقط.
4. ليش نستخدمها
- تقديم الخدمة: إضافة الطلب وإرسال التنبيه وعرض حالته.
- إدارة حسابك وتفعيله والتواصل معك بخصوصه.
- حماية الخدمة من إساءة الاستخدام (عنوان IP يُستخدم مؤقتاً لتحديد عدد الطلبات).
- التقارير اللي يشوفها صاحب المحل عن طلباته.
5. وش ما نسويه
ما نبيع البيانات، وما نستخدمها للإعلانات، وما نرسل لعملاء المحلات رسائل تسويقية. وما نستخدم أدوات تتبّع إعلانية.
6. كم نحتفظ فيها
- معرّف تنبيه الجوال: ينحذف بعد 24 ساعة من انتهاء الطلب.
- الطلبات والتقييمات: طول مدة حساب المحل، لأنها أساس تقاريره، وتنحذف بحذف الحساب.
- الحساب: حتى تحذفه من الإعدادات.
- سجلات الدفع: نحفظها بدون اسمك المدة اللي يتطلبها النظام.
8. نقل البيانات خارج المملكة
قاعدة البيانات محفوظة حالياً في مركز بيانات في أوروبا (السويد)، وبعض المزودين يعالجون البيانات خارج المملكة. نكتفي بالقدر اللازم من البيانات ونختار مزودين يطبقون ضوابط حماية مناسبة، بما يتوافق مع متطلبات النظام.
9. كيف نحميها
الاتصال مشفّر، وكل محل معزول عن غيره في قاعدة البيانات، ورموز الربط محفوظة مشفّرة، والوصول الإداري محصور ومسجّل. ولا يوجد نظام آمن تماماً، وإذا صار تسرّب يأثر عليك نبلغك والجهة المختصة حسب النظام.
10. حقوقك
لك الحق تعرف كيف نعالج بياناتك، وتطلب نسخة منها، وتصحيحها، وحذفها، وسحب موافقتك إذا كانت المعالجة مبنية عليها. أصحاب المحلات يقدرون يحذفون حساباتهم من الإعدادات مباشرة. وعميل المحل يقدر يتواصل مع المحل أو معنا.
تواصل معنا: صفحة التواصل. نرد خلال المدة النظامية، ولك الحق ترفع شكوى للهيئة السعودية للبيانات والذكاء الاصطناعي (سدايا).
12. تحديث السياسة
إذا غيّرنا شي جوهري نحدّث التاريخ أعلى الصفحة ونبلغ أصحاب المحلات.